Na Amos Daniel
Operesheni maalumu ya kushtukiza iliyofanywa jana na askari nchini Uganda katika hospitali maarufu kwa utoaji mimba iitwayo Miriam medical centre na kuzuia shughuli za utoaji mimba katika hospitali hiyo
Katika msako huo walifanikiwa kukamata mwanafunzi aliyetaka kutoa mimba akiwa katika sare za shule, mwanafunzi huyo mwenye umri wa miaka 15 aliwekwa chini ya ulinzi katika kituo cha kawempe
Pia alikutwa bibi harusi mtarajiwa aliyejulikana kwa jina la Jory ambae anatarajia kufunga ndoa jumamosi ya tarehe 27-08-2016 akitaka kutoa mimba ambayo alidai kuwa siyo ya mwanaume anayetarajia kuolewa nae bali ni ya mchepuko
Pia mmoja wa mabinti aliyekutwa akitokwa na damu nyingi sana baada ya kutolewa ujauzito na kukimbizwa haraka katika kituo cha afya cha Malago ili kuokoa maisha yake
Moses Kuwesa daktari mashuhuri wa shughuli ya utoaji mimba aliyekamatwa aliwaambia polisi kuwa kumtia nguvuni ni kummaliza kwani anaishi kwa kutegemea shughuli za utoaji mimba.
Jamii zetu hata hapa Tanzania imekumbwa na tatizo hili la utoaji wa mimba, ikumbukwe kuwa ni kinyume na Sheria ya Nchi, lakini pia ni dhambi mbele za Mungu.
Utoaji mimba ni kosa kubwa kisheria nchini Uganda na ukikamatwa na kuthibitika kuwa unafanya shughuli hiyo utapelekwa jela miaka 14.
